Në hyrjen e qendrës stërvitore të Inter-it është vënë një pankartë e madhe ku shkruhet: “Under Construction” (Në ndërtim). Pankarta e madhe i referohet objektivit të klubit, i cili është forcimi i ekipit për sezonin e ri. Përsa i përket merkatos, Inter nuk ka ndërmend të heqë dorë nga transferimi i Yaya Toure, ndaj dhe Manchester City-t po i bëhet një presion i madh për ta marrë sa më parë lojtarin.
Në objektivat e zikaltërve është edhe ish-lojtari i Fiorentina-s, Jovetic, i cili është pjesë e anglezëve të Manchester City-t. Problemet financiare po bëhen pengesë për afrimin e lojtarëve. Mësohet se shanset e marrjes së Toure-së janë të mëdha, ndërsa marrja e Jovetic-it mund të jetë disi e vështirë, por Inter po përpiqet ta marrë në trajtë huazimi.
Në “pjatë” është edhe emri i Lamela-s, i cili është një talent i rritur në Itali, por aktivizohet me Tottenham-in. Klubi anglez duket se nuk ka ndërmend ta lëshojë lojtarin, por Inter do të përpiqet deri në fund. Gjithashtu Thohir po tenton me çdo kusht të huazojë Song, i cili është pjesë e Barcelona-s.
Redaksia Online
(Javanews.al)
