Ministri i Jashtëm i Ukrainës, Dmitry Kuleba, ka folur sot në lidhje me integrimin europina të vendit të tij, proces i cili ka nisur me dorëzimin e formularit të aplikimit, të dorëzuar personalisht nga presidentja e Këshillit Europian, në vizitën e saj në Kiev.
Kuleba tha se vendi i tij është ngopur me “zgjidhje speciale” dhe modele të veçanta për integrimin e saj në Bashkimin Evropian.
“Ukraina ka nevojë për një pohim të qartë ligjor se është pjesë e projektit të integrimit evropian, siç është dhënia e statusit të vendit kandidat”, është shprehur ministri ukrainas.
Ukraina filloi procesin e aplikimit për anëtarësim në BE në shkurt të këtij viti, katër ditë pas pushtimit të Rusisë.
Presidenti francez Emmanuel Macron ka thënë se mund të duhen dekada që Ukraina të anëtarësohet në BE, por ka sugjeruar se mund t’i bashkohet një “komuniteti paralel evropian” ndërsa pret një vendim.
Macron ka sugjeruar se kjo lloj skeme do t’i lejonte anëtarët jo-BE t’i bashkohen arkitekturës së sigurisë së Evropës./m.j
