Një takim mes udhëheqësve të vendeve të Ballkanit Perëndimor me temë “Integrimi i Ekonomisë Rajonale” është planifikuar të zhvillohet nesër në Durrës.
Në këtë takim pritet të jetë i pranishëm edhe Komisioneri për Zgjerimin në BE, Johannes Hahn.
Në këtë takim do të diskutohet gjerësisht mbi integrimin ekonomik të vendeve të rajonit dhe mbi projektin e nisur tashmë për krijimin e një zone ekonomike të rajonit. Zona Ekonomike Rajonale e vendosur në Samitin e Triestes synon të sigurojë mundësi të reja si për bizneset ashtu dhe për qytetarët, si dhe do të forcojë zhvillimin dhe vendet e punës.
Në njoftimin zyrtar Delegacioni i Bashkimit Europian në Shqipëri, thotë se, “Hapat e tjerë konkrete përfshijnë njohjen e ndërsjellë të kualifikimeve profesionale, identifikimin dhe eliminimin e burokracisë dhe barrierave rregullatore që pengojnë tregtinë dhe investimet në rajon duke krijuar një dialog rajonal mbi transformimin digjital, si dhe hapja e negociatave për një mekanizëm për zgjidhjen e mosmarrëveshjeve”.
Samiti pritet të nisë në orën 10:00, ndërsa kryeministria ka zbardhur dhe disa nga temat e diskutimeve si dhe axhendën.
Disa nga temat e diskutimit do të jenë:
Një vizioni të përbashkët mbi Strategjinë e Integrimit europian;
Zbatimi dhe Fuqizimi i Zonës Ekonomike Rajonale1;
Marrëveshja Roaming;
Fillimi i negociatave për marrëveshjet e njohjes reciproke të kualifikimet akademike dhe profesionale.
PROGRAMI I TAKIMIT
09.40 – Ardhja e delegacioneve
09.50 – FOTO Familjare
10.00 – Fillimi i sesionit të Samitit
12.15 – Konferenca për Shtyp
– Fjalë Kryeministri Rama
– Fjalë Komisioneri Hahn
– Pyetje (1 pyetje për secilin kryeministër).
a.ç
