Instituti Shqiptar për Studime Ndërkombëtare (AIIS) është zgjedhur Partner Institucional në Forumin Publik të NATO-s 2025, i cili do të mbahet më 24-25 qershor në Hagë njoftoi sot një zëdhënës I këtij Instituti. Instituti Shqiptar për Studime Ndërkombëtare do të jetë organizata ekskluzive që do të përfaqësojë dhe do të përforcojë Forumin Publik të NATO-s në Shqipëri dhe në rajonin e Ballkanit. AIIS do të jetë zyrtarisht prezent në diskutimet kyçe që do të ndodhin në Samitin e Hages dhe do të formësojnë të ardhmen e Aleancës.
Partneriteti Institucional është një status i privilegjuar që NATO ofron për një grup të zgjedhur Institutesh dhe qendrash kerkimore në njohje të rolit të rëndësishëm që ata luajnë në studimin dhe debatin për sigurinë transatlantike në vendet e tyre. Kjo ftesë, e bërë nga Divizioni i Diplomacisë Publike i NATO-s, njeh kontributet shumëvjeçare të AIIS në debatet dhe kërkimet mbi sigurinë transatlantike.“Ne jemi të nderuar që edhe në këtë Samit të Aleancës Instituti I Studimeve Ndërkobmëtare do të jetë një Partner Institucional në konferencën që shoqëron Samitin e sivjetshëm të NATO-s në Holandë, pas atij të vitit të kaluar në Uashington,” tha Albert Rakipi, Kryetar i Institutit. “Kjo ftesë është një njohje e më shumë se dy dekadave të punës që instituti i ka kushtuar avancimit të dialogut transatlantik dhe dëshmon rolin tonë në përgatitjen e Shqipërisë për anëtarësim në NATO gjatë viteve.”Pjesëmarrja e AIIS në Forumin Publik të NATO-s — i organizuar në bashkëpunim me Qeverinë e Holandës, Institutin Clingendael, Qendrën e Hagës për Studime Strategjike dhe Këshillin Atlantike të Holandës — nënvizon përkushtimin e vijueshëm të institutit për promovimin e bashkëpunimit, stabilitetit dhe sigurisë në arenën ndërkombëtare. Si Partner Institucional, AIIS i bashkohet një grupi të zgjedhur institucionesh të njohura për rolin e tyre në nxitjen e diskutimit mbi diplomacinë dhe sigurinë.
Gjithashtu një vit më parë Instituti Shqiptar për Studime Ndërkombëtare u angazhua si një partner Institucional në konferencen e Samitit të aleancës në Washinnton, në Korrik 2024 krahas instituteve më presigjioze Europiane.
AIIS me ekspertizën dhe angazhimin akademik kërkimet dhe aktivitetet publike ka qenë instrumental në përgatitjen e Shqipërisë, në nivel shtetëror dhe atë shoqëror, për anëtarësimin në Aleancë. Pas kësaj, AIIS ka qenë një partner i besueshëm për Institucionet dhe straukturat e NATO për më shumë se dy dekada, duke zbatuar projekte të suksesshme në Shqipëri dhe rajon që kanë rritur njohuritë, informacionin dhe angazhimin me NATO-n në mesin e aktorëve të rëndësishëm si vendimmarrësit, ekspertët e politikës, profesionistët e rinj, hulumtuesit profesorët dhe studentët
Që prej majit 2023, AIIS është gjithashtu anëtar i asociuar i Kolegjit Evropian të igurisë dhe Mbrojtjes, duke kontribuar përmes kërkimit, trajnimit dhe aktiviteteve publike në fushën e sigurisë dhe mbrojtjes, si në nivel kombëtar, ashtu edhe në kontekstin rajonal dhe evropian.
Tre vjet më parë drejtuesit e Institutit Shqiptar të Studimeve Ndërkobmëtare udhëhoqën projektin për hapjen e kampusit të Kolegjit të Europës në Tiranë, duke ia paraqitur këtë projekt qeverisë shqiptare vetëm pak ditë para Samitit BE–Ballkani Perëndimor në Tiranë në Dhjetor 2022. “Kolegji i Europës në Tiranë ka qenë, dhe mbetet, një arritje e jashtëzakonnënshme për Shqipërinë, duke krijuar lidhje më të thella mes vendit tonë dhe Perëndimit,” tha Rakipi. “Jam personalisht shumë krenar që përmes këtij projekti kemi ndihmuar vendin të sigurojë një institucion kaq prestigjioz siç është Kolegji i Europës, një hap tjetër në rrugën e integrimit evropian të Shqipërisë që e vendos vendin në hartën evropiane.”
AIIS është vlerësuar në nivel rajonal dhe global për vite radhazi si një nga institutet më të mira hulumtuese në fushat e politikës së jashtme si dhe të studimeve për sigurinë dhe mbrojtjen nga Universiteti i Pensilvanisë.Forumi Publik i NATO-s shërben si një platformë kryesore për diskutime të nivelit të lartë mbi sigurinë globale, duke përfshirë tema si zhvillimet gjeopolitike , marrdheniet transatlantike, ndryshimet klimatike, teknologjitë në zhvillim dhe kërcënimet në evoluim. Samiti i ardhshëm në Hagë, pritet të trajtojë çështjet më urgjente ndërkombëtare dhe të përcaktojë drejtimin e ardhshëm të NATO-s dhe shteteve të saj anëtare. AIIS pret të ofrojë perspektivën shqiptare dhe të angazhohet me liderë e ekspertë nga e gjithë bota. Detaje të tjera rreth pjesëmarrjes së institutit do të bëhen të ditura me afrimin e ngjarjes.
