Duket se ditëve me shi e përmbytje po i vjen fundi.
Nga llogaritjet e fundit hidrologjike të Institutit të Gjeoshkencave, Energjisë, Ujit dhe Mjedisit rezulton se këtë të hënë dhe të martën do të vazhdojë ulja e prurjeve nga lumi Vjosa, duke ulur rrezikun e përmbytjeve në pjesët fushore të tij.
Lumi Buna dhe Liqeni i Shkodrës do të vazhdojnë rritjen e prurjeve dhe të nivelit për sot dhe nesër. Nga llogaritjet paraprake nuk parashikohen zona të përmbytura, por rreziku i përmbytjeve për zonën e Nën-Shkodrës do të varet edhe nga mënyra e menaxhimit të Kaskadës mbi Lumin Drin. Lumenjtë e tjerë në të gjithë territorin do të kthehen në prurje normale dhe nuk paraqesin rrezik për përmbytje.
Instituti i Gjeoshkencave, Energjisë, Ujit dhe Mjedisit parashikon se sot dhe nesër nuk priten reshje, ndërsa të martën temperaturat minimale dhe maksimale të ajrit pritet të arrijnë: në bregdet: 3 / 14, në vendet e ulëta: 1 / 15 dhe në vendet malore: -3 / 9 °C.
a.ç
