Politikat e mbështetjes radikale që ka ndërmarrë qeveria, në drejtim të certifikimit të pronës, (tokës bujqësore), lehtësitë fiskale dhe programet e mbështetjes financiare nga buxheti i shtetit dhe programi i BE-së, kanë rikthyer fermerin të punojë dhe investojë në tokën e tij.
Ndërsa trendi i ri që po ndjek biznesi për sipërmarrje të reja në këtë sektor kanë sjellë dukshëm përmbysje të shifrave me rritje të numrit të punësuarve, të prodhimit vendas bujqësor dhe të ardhurave në familjet e zonave rurale.
Bujqësia jep rreth 20% të Prodhimit të Brendshëm Bruto (PBB) me eksporte që kapin shifrën e 300 mijë tonve fruta- perime që tregtohen në pjesën më të madhe të vendeve të BE-së por edhe më gjerë dhe ku angazhimi i forcës së punës në këtë sektor po shtohet nga viti në vit, përfshirë edhe orientimin më të madh të rinjve në shkollat profesionale bujqësore.
/a.meta
