Instagram është platforma sociale e radhës që i shpall luftë pëlqimeve, komenteve dhe ndjekësve të rremë.
Kompania njoftoi në fillim të javës se ka nisur të fshijë aktivitetet jo-autentike që vinë nga llogaritë e të tretëve si aplikacione automatike e të tjerë. Në një postim, Instagram tha se kjo është pjesë e një përpjekje të madhe për ta ruajtur rrjetin social nga aktiviteti fals, raporton JavaNews.al
Ky veprim vjen pasi Instagram dhe Facebook kanë qenë shpesh në qendër të kritikave për praninë e veprimtarisë së rreme dhe dizinformacionit në platformat e tyre.
I pari që ndërmori një hap të tillë ishte Twitter, i cili pastroi dhjetëra milionë llogari pas akuzave. Të gjitha këto llogari u mbyllën për shkak të aktivitetit të dyshimtë.
Instagram tha të hënën se po ndërton mekanizma për të zbuluar popullaritetin e rrëm, shkruan JavaNews.al
Bëhet fjalë për robotë që automatikisht lënë komente dhe pëlqime kundrejt pagesës. Një formë kjo që përdoret kryesisht nga personazhet VIP për të shfaqur një popullaritet sa më
të madh në rrjetet sociale.
Një zëdhënës i Instagram nuk pranoi të japë detaje sesi do të zhvillohet lufta kundër veprimtarive të rreme, por është e sigurt që miliona profile do të preken.
Së pari pritet që përdoruesit të ndryshojnë fjalëkalimin e tyre dhe të konfirmojnë pronësinë mbi profilin, si dhe të verifikojnë autencitetin e materialeve të postuara. /CNN/JavaNews.al
