Rjetet sociale si Instagram, Facebook apo Pinterest po përdoren gjithmonë e më shumë si mjet komunikimi dhe argëtimi, sidomos nga të rinjtë.
Firma analitike “Pew Research Center”, me bazë në Uashington, mori në shqyrtim rreth 2000 të rritur për të mësuar për prirjet e tyre rreth rrjeteve sociale. Nga anketimi i këtyre të rriturve, firma zbuloi se përdoruesit e Instagram-it janë dyfishuar në periudhën 2012-2015, ndërkohë që akoma me ritme më të larta është rritur dhe numri i përdoruesve të Pinterest.
31% e njerëzve që hyjnë në internet përdorin tani Pinterest-in, për ndryshim nga 15% para tre vitesh. Ndërkohë, 28% të rriturve përdorin Instagram-in, në krahasim me 13% që ishin në vitin 2012.
Edhe përdoruesit e Twitter-it janë rritur gjatë kësaj periudhe, por jo në të njëjtin nivel sa Instagram dhe Pinterest. LinkedIn, nga ana tjetër, është e vetmja platformë e rrjeteve sociale që ka pasur rënie të përdoruesve nga viti 2014 në vitin 2015.
