Inspektorët e Tatimeve në vend prej dy muajsh punojnë pa asnjë ditë pushim. Lajmi raportohet nga ‘Gazeta Shqiptare’ sipas së cilës vetë Drejtoria e Tatimeve është në informalitet pasi funksionon me urdhra të brendshëm.
Bëhet fjalë për 400 inspektorë të cilët dali në terren edhe të shtunë, të dielë duke punuar nga ora 8 e mëngjesit gjer në 8 të mbrëmjes.
Duke bërë një llogaritje, figuron se në 8 javë këta punonjës kanë 288 orë pune shtesë. Vetëm pak kohë më parë Qeveria miratoi ndryshimet në Kodin e Punës ku punëdhënësi ka të drejtën t’i kërkojë punëmarrësit deri në 200 orë shtesë në vit.
