Drejtori Artan Shabani ka dalë hapur dhe ka shprehur shqetësimin se ka shumë sfida si rikthimi në GKA i veprave të shpërndara në institucione shtetërore, rikonceptimi i linjës, nxjerrja në dritë e fondit kanë qenë tri premtimet që ai ka dhënë në 2013-ën.
Por sërish, ai është plot probleme, e ka katin e tretë të zënë nga ikonat e sekuestruara gjatë një hetimi, me një projekt për linjën muzeale dhe me një shqetësim madhor për gjendjen fizike të fondit, e përkundër këtyre, me një buxhet tejet modest që të pret rrugët. Dhe shqetësimi i tij më i madhështë se prej katër vitesh, fondi i GKAsë, thesari i kësaj galerie, nuk është dezinfektuar.
Mosdezinfektimi lejon rritjen e larvave e insekteve, të cilat dëmtojnë pjesët e drunjta të veprave, duke çuar deri tek dëmet e pakthyeshme. Shembulli që jep ai është i thjeshtë: për shkak të larvave tashmë ka nisur dëmtimi i 152 vizatimeve të restauruara që pamë vjet tek ekspozita “100 vjet vizatimi shqiptar”.
