Nga Spartak Ngjela
Pas urimit tepër domethënës që sekretari i Shtetit i bëri Kosovës në përvjetorin e dhjetë të pavarësisë së saj…
Janë irrituar së tepërmi edhe reaksioni shovinist serb; por edhe reaksioni korruptiv i politikës shqiptare.
Kishin pritur të dyja palët të pamundurën.
Injorantë që presin petulla nga qielli…
Është një hall i përbashkët, që ka zierë si kazan dy krahësh edhe në Beograd edhe në Tiranë. Në Beograd edhe me festë kundër pavarësisë së Kosovës, kurse në Tiranë të gjithë kundër ambasadorit Lu.
Nuk bëhen dot kurrë të aftë të kuptojnë politikën moderne sunduesit injorantë dhe të korruptuar të botës se tretë.
Rënia e gëzimit serb në Beograd, dhe politika statike anerikane në Ballkanin Perëndimor, ka sjellë një pështjellim gati tragjik në Tiranë. Këtu dje, Meta ù takua me ambasadorin Lu edhe pse e pati sulmuar me një prokuror anonim për Perëndimin.
Tani e ka humbur fillin. Por do të ketë edhe më: a mund të qëndrojë më në detyrë një prokuror general që ka folur me fyerje kundrejt një ambadadori amerikan?
Pse, vërtet mendoni se ambasadori Lu dhe politika amerikane i ka përtypur ato që gatoi Meta kundër ambasadorit amerikan?
Pse, vërtet mendoni se Donald Lu nuk ia ka bërë të qartë sot mendimin negativ që politika e lartë amerikane ka për banditin shqiptar Meta?
Pse, vërtet mendoni se mund të qëndrojë më në politikë një i kirruptuar shqiptar që kërkon të godasë dhe t’i bëjë presion politikës aktuale amerikane me një vegël që punon edhe si prokuror?
Pse, vërtet mendoni se do të ketë kthim mbrapa në politikën amerikane kundër korrupsionit shqiptar të njohur ndërkombëtarisht dhe të identifikuar nga agjencitë amerikane dhe europiano-perëndimore?
Pse, vërtet mendoni se vetingu është vetëm fjalë, sikurse llomotisin përditë individët që vijnë nga falangat e Saliut?
Pse, vërtet mendoni që Kosova dhe Shqipëria janë dy shtete të thjeshtë për historinë politike të pritshme për Amerikën dhe Gjermaninë?
Kujtoheni për të gjitha këto dhe prisni me qetësi fundin e një shteti abuziv në Shqipëri.
