Iniciativa e dy shoqeve të ngushta shqiptare u ka kthyer buzëqeshjen fëmijëve të prekur nga tërmeti.
Bëhet fjalë për mbledhjen e fondeve në internet, ku Rezarta Mataj në SHBA dhe Kladia Sullaj në Tiranë, kanë arritur të sigurojnë mbi 2 mijë dollarë.
Në mënyrë vullnetare, ato ia kanë dedikuar këtë fond blerjes së lodrave për fëmijët e vegjël që natën e ndërrimit të viteve e kanë pritur në vështirësi.
Dhjetëra vogëlushëve u është mundësuar kështu kthimi i buzëqeshjes sadopak me dhuratat nga “babagjyshët” Rezarta dhe Kladia.
