Në “Review” në Euronews Albania, moderatores Jonida Shehu i erdhi një informacion ndërsa diskutohej për çështjen e Alda Klosit, nga një person i paidentifikuar, por që ka dijeni për situatën.
Në mesazh thuhej se kodi i procedurës ka 8 prova, nga këto, për rastin ka 3 prova që mund të fundosin ish-zyrtaren Alda Klosi, e cila denoncoi vjedhjen në banesë nga pastruesja Rozeta Dobi në bashkëpunim me të birin, Havierin.
Tre provat janë:
- Dëshmia
- Provat materiale, pra lekët
- Përgjimi me vendim gjykate
“Klosi mund të jetë karrem” Eksperti: Është lënë në përgjim të serviret ‘zari’ i madh
Eksperti i kriminalistikës Dritan Rexhepi deklaroi në emisionin Review, në Euronews Albania, se ish-zyrtarja Alda Klosi mund të jetë lënë e lirë këto kohë, si karem, për të interceptuar bisedat që ajo ka pasur me persona të tjerë.
Sipas tij vjedhja e parave dhe se kujt i përkisnin ato është një çështje shumë e lehtë nga prokuroria dhe mund të gjendej shumë shpejt sipas gjurmëve të gishtrinjve.
Ai shtoi se Alda Klosi ndoshta është lënë e lirë për të shkuar tek dikush tjetër më lart në detyrë se ajo.
“Kjo është nga ngjarjet më të lehta për tu zbuluar. Kam përshtypjen se për shkak dhe të ngarkesave të tjera kjo ngjarje ka pasur një frenim. Dhe akuzat e ngritura janë të lehta. Mund të ketë qenë dhe grup i strukturuar kriminal. Kjo ishte një ngjarje që kërciste që në fillim.
Tek paratë lihet gjurma, përpunohet ‘rimidim’ dhe del gjurma e gishtave te paratë. Nga pikëpamja e provueshmërisë është e lehtë. Nuk është çudi që kjo zyrtarja të jetë si karem që të interceptohen bisedat që ajo ka pasur në telefon. Mund të ecet dhe diku më lart, për shkak dhe të situatës politike mund të serviret ndonjë zar i rëndë në fushëbetejë”, tha ai./m.j
