Informaliteti i biznesit dhe masat që kanë nisur të merren nga qeveria kanë çuar në një sqarim të Ministrisë së Financave për penalitetit, duke u bazuar në ligjin nr.9920 datë 19/5/2008 “Për Procedurat Tatimore”. Sipas këtij ligji parashikohen një mori penalitetesh për bizneset, në varësi nga shkalla e shkeljes. Po çfarë ndodh konkretisht nëse një biznes nuk është i regjistruar, nuk ka dokumentacion të rregullt, apo nuk deklaron punonjësit e saj?
Kur biznesi nuk është i regjistruar
Në rast se një biznes nuk është i regjistruar sipas ligjit i mbyllet veprimtaria dhe konfiskohen të gjitha materialet e mallrat që mban në ruajtje, përdor, apo transporton dhe shoqërohet me gjobë me 15 000 lekë për biznesin e madh dhe 10 000 leke biznesin e vogël. Po kështu nëse një biznesi i duhet të ketë leje/licencë/autorizim profesional, administrata tatimore u propozon strukturave kompetente pezullimin lejes/licencave/autorizimeve për ushtrim veprimtarie për një periudhë gjashtëmujore dhe shkohet në ndjekje penale nëse konsiderohet fshehje me dashje.
Mosdeklarimi i punonjësve
Nëse biznesi nuk ka deklaruar punonjësit rishtazi, të paktën një ditë kalendarike përpara fillimit të punës, dënohet me gjobë, tatimpaguesi i regjistruar si subjekt i tatimit mbi vlerën e shtuar dhe tatimit mbi fitimin, 500 000 (njëqind mijë) lekë, ndërsa tatimpaguesit e tjerë, gjobë prej 50 000 (pesëdhjetë mijë) lekësh. Po kështu për rastet e konstatuara nga zyra, për shkelje të afatit të deklarimit të punonjësve, sipas pikës 1 të këtij neni, tatimpaguesi dënohet me gjobë 10 000 (dhjetë mijë) lekë për çdo deklaratë të padorëzuar apo të dorëzuar jashtë afatit.
Mungesa e dokumentacionit tatimor për mallin
Tatimpaguesi, që mban në ruajtje, përdor ose transporton mallra të pashoqëruara me dokumente tatimore, dënohet me konfiskim të të gjithë sasisë së mallit, që mbahej në ruajtje, përdorej apo transportohej. Masa shkon deri në kallëzim penal.
Kundërvajtjet administrative në përdorimin e pajisjeve fiskale
Tatimpaguesi dënohet në rast se nuk instalon pajisjen fiskale për regjistrimin e pagesave me para në dorë:
- i) herën e parë të konstatimit të mos instalimit të pajisjes fiskale, me gjobë 50 000 lekë;
- ii) nëse pas verifikimit të parë, konstatohet se tatimpaguesi vazhdon të mos e instalojë pajisjen dënohet me konfiskim të të gjithë sasisë së mallit;
iii) çdo konstatim i mëpasshëm i mosinstalimit të pajisjes fiskale administrata tatimore ushtron të drejtën e parashikuar në nenin 131, të këtij ligji, duke bërë kallëzim penal për tatimpaguesi.
Kur penalizohet blerësi?
Mos lëshimi i biletave të shërbimit me vlerë të parashtypur, të prodhuara nga institucionet e autorizuara, të përdorura në sektorë të ndryshëm, dënohet me gjobë, në masën 10 000 (dhjetë mijë) lekë për çdo biletë. Në rast se një tatimpaguesi i është bllokuar veprimtaria nga administrata tatimore dhe ai prish shenjat dalluese të vendosura për bllokim të veprimtarisë, atij i konfiskohet e gjithë sasia e mallit. Blerësi ose përfituesi i shërbimit, i cili gjatë kontrollit në distancen e 30 metrave, nga vendi i shitjes apo ofrimit të shërbimit, nuk ka kupon tatimor, dënohet me gjobë me 1 000 lekë.
Mos afishimi i çmimeve të shitjes
Mos afishimi i çmimeve të shitjes së mallrave apo shërbimeve dënohet me gjobë:
– 35 000 lekë,për tatimpaguesit biznes i vogël;
– 65 000 lekë për t
Mosmarrja e kuponit tatimor.
Blerësi ose përfituesi i shërbimit, i cili gjatë kontrollit në distancen e 30 metrave, nga vendi i shitjes apo ofrimit të shërbimit, nuk ka kupon tatimor, dënohet me gjobë me 1 000 lekë.
