Anetarja e Kryesisë së PD-së, Grida Duma, ndërsa komentoi deklaratën e Presidentit Meta, i cili tha sot në Komisionin hetimor parlamentar se më datë 8 qershor ka patur informacion për një plan i cili synonte të digjej Kuvendi i Shqipërisë, tha se opozita ka bërë të pamundurën për të ndaluar revoltën popullore.
E ftuar në emisionin “5 pyetje nga Babaramo”, Duma u shpreh se të interesuar për të bërë pis imazhin e aksionit të kundërshtarit janë kundërshtarët.
“Po të kishte dashur opozita të ndërmerrte aksione të dhunshme nuk është çështje dekretesh. Ne kemi bërë të pamundur të ndalojmë revoltën popullore. E dëgjova që në nisje deklaratën e Presidentit.
Në fillesë dëgjova që kisha indicie që persona të caktuar… ju e dini që kur organizohen protesta ata që janë të interesuar që protesta të ketë faqen e bardhë janë organizuesit, pra PD dhe opozita.
Të parët e interesuar që të bëjnë pis imazhin e aksionit të kundërshtarit janë kundërshtarët.
Njerëz të infiltruar, ky është shqetësimi më i madh nëse do isha organizatore.
S’po them që s’janë as të PS-së dhe as të PD-së.
Nuk e kam dalluar se jam rrethuar nga studentë dhe të rinj. Ka pasur momente të tilla se kush janë këto persona””, tha Duma
