Policia e Shtetit ka kaluar në nivelin maksimal të gadishmërisë pas disa informacioneve se Tirana mund të goditet nga sulme terroriste.
Mësohet se Policia e Shtetit dhe Drejtoria Antiterror kanë përforcuar edhe më tej masat e sigurisë në kryeqytet, kryesisht në institucionet shtetërore.
Të gjitha patrullat e Policisë së Shtetit janë urdhëruar të paisen me armatim të rëndë për të qenë të gatshëm për ndërhyrje në çdo moment.
Në terren është shtuar numri i patrullave. Ndërkohë, në institucionet qeveritare gjatë ditës së sotme u vu re shtimi i punonjësve të gardës.
Vendimi për blindimin e Tiranës erdhi pas sigurimit të disa informacioneve nga Shërbimi Infromativ Shtetëror.
Forca të shumta policie kanë “blinduar” Parlamentin, ku zhvillohet seanca plenare, si dhe janë vendosur pranë institucioneve të tjera si Kryeministria dhe Prokuroria e Përgjithshme.
