Rritja e çmimeve në vend ka vijuar edhe përgjatë muajit korrik.
Sipas publikimit të INSTAT, norma e inflacionit në Korrik 2026 ishte 3,4 %, nga 2,5 % në Korrik 2025.
Sipas të dhënave zyrtare, rritja vjetore e çmimeve në muajin Korrik është ndikuar kryesisht nga grupi “Ushqime dhe pije joalkoolike” me 1,18 % pasuar nga grupi “Qira, ujë, energji elektrike, gaz dhe karburante të tjera” si dhe çmimet e e grupit “Transporti” të cilat normalisht u ndikuan nga rritja e çmimeve të hidrokarbureve.
Por edhe grupet e tjera mobile, mirëmbajtje shtëpie dhe kujdes personal reflektuan rritje mbi 3%.
Krahasuar me muajin qershor të këtij viti, kontributin më të madh në xhepat e qytetarëve e kanë dhënë rritja e çmimeve në grupin “Transporti” me 4,7 % për shkak të rritjes së karburanteve pasuar nga grupet e tjera argëtim, mirëmbajtje shtëpie dhe qiratë.
Ndërsa grupi ushqime u ul me 0.5% për shkak dhe të daljes në treg të produkteve vendase.
INFLACIONI VJETOR
Korrik 2026 3.4%%
Korrik 2025 2.5%
RRITJA E ÇMIMEVE
Transporti 8,0 %
Argëtim, sport dhe kulturë 6,0 %
Sigurime dhe shërbime financiare 4,5 %
Qira, ujë, energji, gaz dhe karburante 4,1 %
Ushqime dhe pije joalkoolike 3,5 %
Mobilje, pajisje dhe mirëmbajtje e shtëpisë 3,3 %
Kujdes personal dhe mallra e shërbime 3,1 %
