Të dielën e 18 tetorit në Zvicër zhvillohen zgjedhjet për Këshillin Kombëtar. Në garë për 200 vendet e Parlamentit janë mbi 30 kandidatë me prejardhje shqiptare. Pothuajse nga të gjitha partitë kryesore.
Cyrihu prinë me më shumë kandidatë për deputetë nacionalë me prejardhje shqiptare. Këtu për Partinë Socialdemokrate kandidon Qëndresa Sadriu. Për kristiandemokratët e CVP-së kandidojnë Lulzim Maliqi dhe Shqipe Bajrami-Grohs. Për CVP, të rinjtë e saj, JCVP dhe CVP 60+ kandidon Kreshnik Peci. Për Partinë e Qendrës kandidon Arbresha Ejupi. Nga e Majta Alternative – Luana Osmani. Ndërsa Esat Duraku kandidon nga Partia e Punës dhe të Rinjtë Komunistë, raporton DialogPlus.ch.
Në Solothurn nga të rinjtë e kristiandemokratëve, Junge CVP Süd-Ëest, kandidon Herolinda Rexhepi; ndërsa nga të rinjtë e kristiandemokratëve, Junge CVP Nord-Ost – Shpëtim Xhemaili.
Në Basel-Landschaft kandidati i vetëm me prejardhje shqiptare, i cili kandidon nga të rinjtë liberalë, JFDP është Ardian Veseli.
Në St. Gallen nga CVP dhe të rinjtë e saj, JCVP, kandidon Prend Berisha; nga të njëjtat struktura vjen edhe Veton Rasaj. Nga të rinjtë liberalë, FDP Jungfreisinnige, kandidon Egzon Zhuta. Nga BDP (Partia Demokratike Qytetare) lista kryesore, kandidon Salim Rizvi. Nga Partia Socialdemokrate dhe Sindikatat, SP und Geëerkschaften, kandidojnë Etrit Hasler dhe Arbër Bullakaj.
Pas Cyrihut, Berna është zona e dytë me më shumë kandidatë për deputetë nacionalë me prejardhje shqiptare. Nga burrat e socialdemokratëve, SP Männer, kandidojnë Besar Matoshi dhe Bashkim Rexhepi. Nga kristiandemokratët, CVP Familie – Arbeit – Sicherheit, kandidojnë Kështjella Pepshi dhe Ilir Shala. Ndërsa Qëndresa Latifi dhe Rinor Tahiraj kandidojnë për subjektin Komunitet Pune Ekonomi dhe Shoqëri, AËG Arbeitsgemeinschaft Ëirtschaft und Gesellschaft.
