Infermieria angleze, Abigail Bamber (26) ishte duke ngare makinen në rrugët e Bristolit, kur u gjend në një situatë që vetëm ajo mund të ndihmonte.
Kozma Dhaskali (32), shqiptar ka tentuar ta vrasë me thikë shqiptarin tjetër Edmund Sinanaj, transmeton Koha.net.
Teksa Sinanaj ishte i shtrirë në rrugë dhe kishte humbur pulsin, infermieria Bamber, që ishte në pushim atë ditë, i shpëtoi jetën duke i dhënë ndihmën e parë derisa ka ardhur ambulanca.
Bamber është shndërruar në një heroinë, pasi është xhiruar nga dikush që nuk ka dashur ta publikojë emrin. Ajo më pas ka folur për medie, duke thënë se po bënte vetëm punën e saj. “Isha në vendin e duhur e në moment të duhur, po bëja punën time”.
Sinanaj është shtrirë në spital dhe është në gjendje të rëndë, derisa Dhaskali ka dalë para gjykatës dhe ka pranuar krimin, duke thënë se nuk ka dashur ta vrasë. (b.an)
