Rasti i ri me COVID në Berat është një punonjëse në një ndërmarrje rrobaqepësie tek ish-kombinati tekstil. Punonjësja ka shfaqur temperaturë e këputje të trupit dhe kollë, ku më pas është njoftuar 127 dhe i është bërë tamponi dhe ka rezultuar pozitiv.
Pritet që t’ju bëhet të gjithë punëtorëve të kësaj fasonerie analizat nëse do të ketë të infektuar të tjerë apo jo. Ndërsa në familjen e gruas po bëhen tomponët për të parë ka të infektuar.
Ndërkohë në Fier gjatë 24 orëve të fundit ka rezultuar pozitiv me COVID-19, 1 person. Ai ka ardhur nga Anglia dhe kishte shkuar te prindërit para disa ditësh. Ai ka shfaqur shenja të COVID-19 dhe pasi i është bërë analiza ka rezultuar pozitiv.
Edhe rasti i shënuar sot në Korçë bën fjalë për një të moshuar 70-vjeçe, e cila ditët e fundit ishte kthyer në vendlindje nga një tjetër shtet. Ajo nuk është kontakt i rasteve të mëparshme. Mësohet se 70-vjeçarja po trajtohet në shtëpi ndërkohë që mjekët epidemiologë po gjurmojnë kontaktet e tjera.
Në Kurbin janë shënuar dy raste, ku bëhet fjalë për një vatër të re me COVID. Të prekurit janë pjesëtarë të një familje në Gjorm, nënë e bir. Dyshohet se mund të jenë infektuar nga një punonjëse fasonerie e Krujës të cilën e kanë fqinje. Ndërsa në Lezhë dy të prekurit janë kontakte të të infektuarve të mëparshëm.
g.kosovari
