Infektohen vëllezërit Budina, reagon Rama: Më vjen sinqerisht keq, virusi po përfiton nga neglizhenca

Lajmi se dy vëllezërit Edmond dhe Robert Budina janë të infektuar me koronavirus, tashmë është zyrtar.

Kryeministri Edi Rama përmes Twitter shpreh keqardhjen e tij duke iu uruar shërim të shpejtë.

“Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave!” – shkruan kryeministri.

Ende është e paqartë se ku janë infektuar dy vëllezërit artistë, ndërsa nuk ka asnjë raportim për gjendjen e tyre shëndetësore.

Kujtojme se Edmond dhe Robert Budina kanë qenë aktivë në protestat kundër shembjes së Teatrit të vjetër Kombëtar. Këto protesta, ata i kanë drejtuar edhe nëpër rrethe ku kanë mbledhur firmat për peticionin për rindërtimin e TK.

/JavaNews/a.r