Infarktet e trurit po prekin edhe moshat e reja.
Përdorimi i drogave, alkooli, duhani dhe dietat ekstreme janë shkaktaret kryesore qe çojnë edhe 30-vjeçaret ne reanimacionin e neurologjisë me goditje ne tru. Mjeket tregojnë se 3 deri 4 raste paraqiten çdo dite me insulte cerebrale. Këto sëmundje shkaktojnë invaliditet dhe vdekshmëri nëse brenda 4 orëve nga shfaqja e shenjave, pacienti nuk i drejtohet specialistit.
Ermir Roçi, mjek neurolog: Këto shenja janë asimetria në fytyrë, paraliza e dorës, e këmbës, humbja e ekuilibrit apo e shikimit… brenda katër orëve, pacienti duhet të jetë këtu në shërbimin tonë
700 deri 800 persona ne vendin preken ne vit nga infarktet e trurit. Moshat me te rrezikuara janë ato mbi 50 vjeç per shkak te hipertensionit, diabetit dhe duhanpirjes.
Ermir Roçi: Nga mosha 30 deri në moshën mbi 30 vjeç. Moshat më të shpeshta janë ato mbi 50 vjeç.
Pas sëmundjeve kardiovaskulare, goditjet ne tru jane shkaktaret e dyte per numrin e larte te vdekjeve ne bote dhe paaftësinë fizike qe lëne tek personat e prekur./Vizion Plus
