(Update) Është gjetur pas disa orësh avioni i rrëzuar “Trigana air” në rajonin Papua të Indonezisë. Lajmi konfirmohet nga mediat ndërkmbëtare sipas të cilave autoritetet indoneziane kanë arritur të gjejnë pjesë të aerpolanit dhe të 54 personave të bord.
Edhe vetë dëshmitarët në Papua kanë treguar se kanë parë aeroplanin duke u rrëzuar. Deri më tani nuk dihen ende shkaqet e rrëzimit të avionit, në të cilin gjendeshin 49 pasagjerë dhe 5 persona në bord.
Por kjo nuk është hera e parë që diçka e tillë ndodh me avionët e linjës “Trigana air”. Kjo pasi që prej vitit 1991, janë plot 14 incidente të rënda që kanë ndodhur me avionët e kësaj linje fluturimi.
Madje në vitin 2007, Bashkimi Evropian e ka futur “Trigana air” në listën e zezë. Kompania ka në përbërje 14 aeroplanë gjithsej, mosha mesatare e të cilëve është 27 vjet.
Indonezi, zhduket aeroplani me 54 persona në bord
Një avion indonezian i linjës “Trigana air”, me 54 persona në bord është zhdukur nga radarët. Lajmi bëhet i ditur nga mediat ndërkombëtare sipas të cilave kontaktet me avionin janë humbur gjatë momentit kur po fluturonte mbi territorin e Papuas.
Autoritetet indoneziane janë vënë menjëherë në lëvizje, por deri më tani nuk ka asnjë gjurmë të aeroplanit.
Mësohet se fluturimi parashikohej të zgjaste vetëm 50 minuta ndërsa në aeroplan udhëtonin 49 pasagjerë dhe 5 anëtarë të ekuipazhit
