Albert Einstein dhe Isaac Newton janë gabuar në teoritë e tyre që përbëjnë themelet e shkencës.
Të këtij mendimi janë një grup shkencëtarësh në Indi, të cilët pretendojnë se zbulimet kryesore të shkencës, si përshembull kërkimet për qelizat staminale, janë bërë nga fiset Hindu mijëra vite më parë.
Gjatë Kongresit Indian të Shkencës, që u çel nga kryeministri Narendra Modi, akademikë e studiues vendas rrëzuan zbulimet e shkencëtarëve të mëdhenj. Sipas tyre, teoria e valëve gravitacionale është keqinterpretuar dhe se ajo duhet të quhet me emrin e kryeministrit, teoria e “Valëve Narendra Modi”.
Një tjetër shkencëtar i njohur indian habiti jo pak me deklaratën e tij, kur tha se një Mbret Hindu kishte 24 avionë personale dhe zotëronte një rrjet pistash për uljen e tyre.
Për ekspertët perëndimorë, gjetjet e shkencëtarëve indianë janë qesharake. Sipas tyre, tekstet antike duhet të lexohen dhe risillen në ditët e sotme, por është e pakuptimtë të pretendohet se ato përfaqësojnë shkencën.
a.cupaj
