Kreu i Kuvendit të Shqipërisë Ilir Meta ka reaguar për incidentin e ndodhur në Vaun e Dejës, ku sipas vëllait të kandidadit të PD në këtë bashki Zef Hila është sulmuar me armë. Kryeparlamentari meta ka kërkuar që të hetohet pretendimi i vëllait të kandidatit të PD. Sipas Metës duhet që e vërteta të zbardhet.
“Të hetohet pretendimi dhe të zbardhet e vërteta. Dënojmë çdo incident e konfrontim, jo presioneve”, thekson kreu i Kuvendit.
Edhe Partia Demokratike ka reaguar për ngjarjen e rëndë në Vaun e Dejës. Në një deklaratë, PD shpreh shqetësimin për ngjarjen dhe kërkon zbardhjen e plotë të saj.
“Një efektiv policie hapi zjarr me armën e shërbimit kundër vëllait të kandidatit. Dënojmë me forcë këtë akt. Thirrje prokurorisë të marrë masa për zbardhjen e ngjarjes. Autori të vihet para drejtësisë”, deklaron PD.
