Incidenti në Shkodër ka sjellë dhe reagimin e liderit të opozitës Lulzim Basha, i cili shkruan në rrjetin e tij social se me popullin nuk mund të luhet dhe se revolta kundër kësaj qeveri është zgjidhja e vetme.
“Shteti-bandë i Edi Ramës sot në Shkodër, duke grabitur e kërcënuar me armë qytetarët. Ligji është i shenjtë e duhet zbatuar, por kur Edi Rama me bandën e tij është shkelësi më i madh i ligjit në vend, atëherë revolta është zgjidhja. Me popullin nuk luhet. #Shqiperia me mire pa Edi Ramen.”- shkruan Basha.
Incidenti është regjistruar këtë të premte në Shkodër, teksa përplasja ka ndodhur mes shitësve të duhanit dhe efektivëve të krimit ekonomik. Në një moment tensioni dhe përplasje fizike, shefi i krimit ekonomik ka nxjerrë armën e tij për të qetësuar situatën, një veprim që PD dhe Basha e kanë cilësuar si të paprecedent./a.k
