Ish-kryeministri Sali Berisha është shprehur se nuk do të votojë kurrë asnjë kandidat të propozuar nga mazhoranca.
Megjithatë, ai nuk përjashtoi mundësinë që Partia Demokratike të votojë për Presidentin në votimin që do mbahet në Kuvend.
“Asnjë kandidat të propozuar nga Rama nuk e votoj. Nëse mazhoranca vendos që kandidatin ose institucionin e Presidencës t’ia japë opozitës, është opozita ajo që negocion, përzgjedh 1-2 emra sipas rastit dhe vendoset. Por Edi Rama po bën të kundërtën, të implikohesh në një poçes me zarfe është si të marrë pjesë në tender sekret, në këtë rast vjedh sepse tenderi s’duhet të jetë sekret. Në votim në Parlament PD do jetë, mendoj unë. Në një proces në zarfe dhe email-e sekrete nuk përzihet, një opozitë e vërtetë kurrë”, tha Berisha.
Ish-kryeministri komentoi edhe incidentin me kreun e grupit parlamentar të PD, Enkeled Alibeaj, në Kuvend, duke thënë se ai lejoi veten të përdoret dhe poshtërohet nga kundërshtari politik, gjë që sipas tij s’ka ndodhur në 30 vite.
“Se çfarë do bëjë Alibej me Ballën është punë e tyre. Ju e patë dhe dje se si i lejoi vetes të përdor në shkallën më ekstreme, në 30 vite nuk ka ndodhur kurrë që një deputet të keqpërdorët në atë mënyrë nga kundërshtari. Ai që publikisht lejoi një përdorim të tillë dhe poshtërim të tillë mund ti lejojë vetes çdo gjë”, tha Sali Berisha.
/a.r
