Personat e arrestuar nga policia gjatë operacionit për kontrollin dhe sekuestrimin e automjeteve luksoze në Elbasan, kanë dalë përpara Gjykatës së Krimeve të Rënda, ku do të njihen me masën e sigurisë.
Tre personat e ndaluar Ledio Zabeli, Klement Xhaferri dhe Valmir Dedja po shoqëroheshin në komisariat së bashku me automjetin e tyre tip “Range Rover” 100 mijë euro, në momentin kur një prej automjeteve të policisë u godit nga një “Audi” i blinduar.
Në makinën e policisë udhëtonte zv/drejtori Gergji Oshafi. Për këtë ngjarje burime pranë policisë bëjnë të ditur se është shpallur në kërkim Suel Çela, djali i biznesmenit, Petrit Çela.
Zabeli, Xhaferri dhe Dedja u prangosën gjatë aksionit të FNSH dhe RENEA tre ditë më parë në Elbasan, gjatë operacionit për kontrollin e automjeteve luksoze dhe identifikimin e arrestimin e personave të shpallur në kërkim.
a.ç
