Rikthehen tensionet mes Britanisë së Madhe dhe Spanjës, dy shtete të cilat pretendojnë sovranitetin mbi territoret e Gjibraltarit, shtetit që shtrihet në një kep të vogël në jug të Spanjës.
Gjibraltari është pjesë e Mbretërisë së Bashkuar, por Spanja ka pretendimet e veta mbi ato territore. Shpesh herë ujrat territoriale të Gjibraltarit janë shkelur nga Spanja. Një tjetër rast është regjistruar sipas raportimeve nga Daily Mail.
Një anije e Rojës Bregdetare spanjolle i është afruar Gjibraltarit. Nuk ka ndenjur duarkryq marina britanike që ka përzënë anijen spanjolle. Gjatë vitit janë regjistruar disa incidente të ngjashme.
Në një referendum të vitit 2002, banorët e Gjibraltarit, që njihet si territor britanik prej vitit 1713, refuzuan me 98 % një propozim për sovranitetin e përbashkët britaniko-spanjoll.
Qeveria e Gjibraltarit pretendon se anijet luftarake spanjolle rregullisht shkelin në ujërat e saj territoriale./JavaNews/a.m.
