Një incident diplomatik i ka ndodhur Papa Françeskut në udhëtimin e tij në Bolivi. Incidenti u shënua në momentin e shkëmbimit të dhuratave, ku Presidenti Evo Morales i dorëzoi Papës një kryq të veçantë me çekiç dhe drapër.
Siç mund ta shikoni në foto, dhurata ishte një bosht vertikal i kryqit i ndërthurur me një drapër. Sipas analistëve kjo është një blasfemi. Dhe për t’i bërë gjërat edhe më keq Morales vendosi në qafën e Papën një pllakatë që riprodhon të njëjtin imazh të të Kryqëzuarit. Kjo dhuratë vuri në siklet Papa Franceskun, i cili pasi falenderoi Morales, hoqi pothuajse menjëherë kryqin nga qafa. Nga ana e tij, Papa i dha Presidentit dhurata shumë më të përshtatshme për kontekstin.
