Një motër e vëlla prej babai e kanë deklaruar lidhjen e tyre incesti drejtëpërdrejtë në një televizion spanjoll.
Në një emision për grim të quajtur, Cambine, Ana dhe gjysmë vëllai i saj Dani kanë treguar për lidhjen e tyre fizike dhe emocionale, transmeton Klan Kosova.
Ky emision ua mundëson pjesëmarrësve që të ndryshojnë flokët, veshjen e grimin.
Dyshja, që jetojnë së bashku në Barcelonë, thanë se ata kanë jetuar ndaras nga njëri – tjetrin 20 vjet dhe u bashkuan përmes rrjeteve sociale.
“Ne nuk erdhëm deri këtu vetëm për të ndryshuar pamjen por edhe për ta ndryshuar jetën tonë tërësisht”.
“Ne kemi diçka për të treguar e ky është pikërisht vendi ku duhet ta bëjmë”.
“Jemi rritur ndaras për 20 vjet dhe më pas e gjetëm njëri – tjetrin përmes rrjeteve sociale dhe u shoqëruam shumë me njëri – tjetrin”, u shpreh Anna.
Por, lajmin për incestin në mes tyre e tregoi Dani.
“Supriza e madhe është që ne nuk jemi vetëm vëlla e motër, por gjithashtu jemi çift”.
“Ne jemi të dashuruar”.
Sikur të mos mjaftonte kjo gjë, babai i tyre ishte në publik dhe më pas i tha vajzës së tij “A mund të të thërras nuse?”.
Kurse Anna ia ktheu “Po dhe unë do të të thërras vjehërr”.
Më vonë stilisti i këtij emisioni, Pelayo Dias ka shkruar në Twitter se ata nuk janë askush që të gjykojnë dhe që dashuria është mbi të gjitha.
