Qeveria ka inaguruar këtë të premte nënstacionin e Babicës, pjesë e interkonjesionit të jugut. Investimi është mbështetur nga KFË (Bankë Gjermane) e cila ka dhënë 49 mln euro për përfundimin e këtij projekti. Në fjalën e mbajtur, Kryeministri Edi Rama tha se nënstacioni në fjalë i jep një stytje të madhe përmirësimit të sektorit energjitik në pjesën jugore të vendit, që sipas tij ka vuajtur për vite me rradhë nga mungesa e investimeve në energjitikë. Kryeministri shtoi se në vazhdën e reformave, qëllimi i qeverisë është rajonalizimi i sektorit, duke bashkëpunuar edhe me shtete si Kosova dhe Maqedonia për investime të mëtejshme në energjitikë, për të kthyer këtë sektor, nga një gropë financiare, në një sektor kyç strategjik për ekonominë.
“Falë reformës dhe falë mbështetjes së gjithë atyre shqiptarëve që sot janë arsyeja se pse ne jemi këtu, do bëjmë të mundur finalizimin e një ëndrre të vjetër për të lidhur përfundimisht rrugën e energjisë mes Shqipërisë dhe Kosovës. Interkonjeksioni i famshëm i shumë propaganduar, më në fund po bëhet realitet, si lidhja e rrugës energjetike mes Shqipërisë e Maqedonisë, çfarë do të thotë integrim i plotë i Shqipërisë në rrjetin evropian.“- tha Rama.
Rama tha se investimi në fjalë i dedikohet çdo qytetari shqiptar, që ka mbështetur dhe është bërë palë me qeverinë në reformimin e sektorit energjitik.
“Dua ta them qartë që në fillim, kjo vepër i dedikohet shqiptarëve që qysh në fillim mbështetën fuqimisht reformën kurajoze në energji dhe u bënë palë me zhvillimin dhe me një përpjekje të përbashkët për të vendosur një rend ligjor.. u bënë palë me të ardhmen. Kjo vepër është rezultat i një reformë që na bën sot të kuptojmë se çka kishim në këmbët tona vetëm dy vite e gjysëm më parë, të dukej sikur e kishim vite e vite më parë.
Trashëguam një sektor strategjik të keq-qeverisur, që rezikonte të na çonte në një kolaps total financiar. 52% ishin humbjet dy vite e gjysëm më parë, ku gjysma e tyre ishin vjedhje. Trashëguam një komani me 1 mln borxhe të akumuluara nga viti 2007 deri më 2013.”- theksoi Rama.
Rama theksoi se kurrë më parë nuk ka ndodhur që në sektor investimet të prodhohen nga vetë kompanitë e energjitikës, siç janë OSHEE, OST dhe KESH.
“120 mln dollarë investime nga fuqia investuese e OSHEE ost dhe kesh, kurre ndonjëherë nuk ka ndodhur dicka e tillë320 mln dollarë volumi i paketës financiare që shkon për konsumatorët, për rritjen e cilësisë së furnimzimit me energji elektrike”- shtoi Kryeministri.
Kryeministri Rama tha se investimi në bashkëpunim dhe me KFË-në, është një projekt që nuk mbaron vetëm më ndërtimin fizik të tij, por edhe me mirëmbajtjen e investimit të kryer.
“Investimi në gur në çelik, në tela në tuba e në makineri nuk mbaron në momentin kur ka mbaruar ivnestimi fizik por vazhdon falë investimit tek njerëzit që kanë krijuar këto pasuri. Prandaj këto vepra janë të qëndrueshme dhe nuk e pësojnë siç kanë ndodhur në të shkuarën.”- tha Kryeministri.
