Kryetarja e Kolegjit të Apelimi, Natasha Mulaj, iu ka premtuar të gjithë qytetarëve se do të bëhet drejtësi dhe do të marrë fund epoka e të korruptuarve. Nga ish-godina “Lidhja e shkrimtarëve dhe artistëve”, ku u inaugurua godina e Vettingut, Mulaj deklaroi se do të fitohet besimi i qytetarëve te drejtësia dhe do të bëhet drejtësi, edhe sikur qiejt të përmbysen. Sipas saj, nuk ka një qytetar që të mos ketë një eksperiencë të hidhur me drejtësinë, duke theksuar se shumë shpejt do të bëhet ndryshimi epokal.
“Për shkak të eksperiencave të hidhura në përballje me drejtësinë e kanë dëmtuar shumë besimin te institucionet. Është fakt se pa pastruar radhët tona dhe pa konfirmuar para publikut se jemi ndarë nga korrupsioni. Do të ishte e pamundur të rifillojmë përmbushjen e një prej betejave tonë më madhore atë të bindjes te publiku se edhe drejtësia shqiptare është e drejtë. Të gjithë kanë pasur të paktën një eksperiencë të hidhur në drejtësi, duke krijuar kështu bindjen se duhet të jesh i pasur për ta pasur atë. Ne jemi këtu për të provuar se shumë shpejt do të bëjmë ndryshimin epokal, që do të jetë shumë i vështirë. Transparenca dhe përçimi i saj te publiku është një dimension ekzistencial i punës sonë. Nëse nuk do arrijmë të rrisim besimin e qytetarëve te drejtësia ne nuk do të mund të përmbushim misionin tonë. Për këtë kemi nevojë për mbështetje. ‘Të bëhet drejtësi, edhe nëse qielli përmbyset’. Ne duhet të bëjmë detyrën tonë në emër të Shqipërisë së drejtë e të ndershme, të bëjmë drejtësi edhe sikur qiejt të përmbysen”, deklaroi Mulaj.
Përfaqësuesi i ONM-së: Ky operacion do të jellë drejtësinë në vend
Përfaqësuesi i Operacionit Ndërkombëtar të Monitorimit, Theo Jacobs tha se procesi i vettingut është një process i gjatë dhe sfida. Gjatë përurimit të godinës së vettingut, Theo Jacobs tha se përkushtimi i ONM nuk do të mungojë për të bërë operacionet e nevojshme në drejtësi.
“Duke përfshirë edhe punën që do të bëhet në këtë ndërtesë, kolegët e mi dhe unë në të ardhme do të kemi vështirësi në këtë proces te gjatë dhe me sfida. Megjithatë përkushtimi ynë nuk do të mungojë për të bërë operacionet e nevojshmë në sistemin e drejtësisë.
Në këtë mëngjes dhe në këtë ndërtesë të bukur do të fillojnë sfidat tona konkrete. Trupa duhet të jetë e përgatitur për një punë të përgjegjshme dhe të rëndësishme.
Ky operacion, i cili sapo fillon do të sqarojë disa pika që do të jellë drejtësinë në vend.
Duhet të jemi të qartë për mundësitë që na jape ONM duke ndarë eksperencën e tyre me komisionet e pavarura për të sjellë drejtësinë në Shqipëri,” u shpreh Theo Jacobs.
Vettingu, Lu: Sot ditë plot shpresë për Shqipërinë
Ambasadori i SHBA, Donald Lu, e cilësoi ditën e sotme plot shpresë për Shqipërinë. Nga godina e re e Vettingut, e cila u inaugurua ditën e sotme te ish-godina e ‘Lidhjes së Shkqimtarëve dhe Artistëve’, Lu tha se është një ditë shprese.
“Sot është një ditë për shpresë në Shqipëri”, tha Donald Lu.
Nga ana e saj, ambasadorja e BE, Romana Vlahutin, tha se dita e sotme është mjaft e rëndësishme për vendin.
“Jemi shumë të lumtur, sepse në një far mënyre reforma ka startuar”, deklaroi Vlahutin.
Ndërkohë, të pyetur në lidhje me vendimin e Gjykatës Kushtetuese, ambasadorët nuk dhanë një koment.
Rama: Njerëzit e këtij vendi meritojnë një sistem drejtësie pa gjykatës e prokurorë të korruptuar
Përmes një postimi në rrjetin social Facebook, shefi i qeverisë shprehet se shqiptarët meritojnë një sistem drejtësie pa gjykatës e prokurorë të korruptuar.
“Urime, kurajo, suksese komisionerëve të Vetingut! Njerëzit e këtij vendi meritojnë një sistem drejtësie pa gjykatës e prokurorë të korruptuar, ”shkruan Rama.
ma.me
