Ismail Imshiti, që u arrestua më 1 dhjetor të këtij viti nga Policia italiane, nën dyshimet për planifikim të një komploti ndaj Papa Françeskut, do të presë Vitin e Ri pranë familjes së tij në Rozhancë të Hanit të Elezit.
Ai është kthyer nga Qeveria italiane në Kosovë më 2 dhjetor të këtij viti. Atij i ndalohet të shkelë në territorin e Italisë për shkaqe sigurie.
Në një rrëfim për gazetën “Koha Ditore”, Ismail Imshiti ka treguar për, siç tha, tmerrin e përjetuar nga Policia italiane. Arrestimin e tij, të djalit Mërgimit dhe vëllait Sametit, e quajti spektakël të përgatitur nga Policia italiane dhe ajo kosovare.
“Nëse Bashkësia Evropiane i ka dhënë buxhet Kosovës që të ndjekë terrorizmin ata edhe duhet me tregu që janë t’u punu apo jo”, ka thënë Imshiti për gazetën.
Mbi 30 policë pohoi të kenë marrë pjesë gjatë arrestimit të tij. Aksioni kishte ndodhur në orën pesë të mëngjesit të 1 dhjetorit, derisa ishte duke shkuar në punë, në qytetin e Bresias.
Express
