Tregtia e produkteve të falsifikuara po lulëzon me shpejtësi. Marka të njohura nga e gjithë bota kopjohen dhe me emrat e tyre, kompani të shumta mashtruese po fitojnë miliarda çdp vit. Hong-Kongu, Emiratet e Bashkuara Arabe dhe Singapori janë vendet kryesore nga vijnë produktet e falsifikuara sipas një raporti të Bashkimit Evropian dhe Organizatës për Bashkëpunim Ekonomik dhe Zhvillim (OECD).
Por ajo që bie në sy është edhe roli i Shqipërisë në këtë aktivitet shkruan JavaNews. Sipas raportit Shqipëria është mes 4 pikave kryesore të tranzitit për të çuar këto mallra drejt vendeve të Bashkimit Evropian. Vende tranzit drejt BE janë edhe Egjipti, Maroku dhe Ukraina.
Ndëkrohë këto mallra hyjnë në Afrikë përmes Arabisë Saudite, Jemenit dhe Emirateve të Bashkuara Arabe. Rezulton se ¾ e produkteve të falsifikuara transportohen në rrugë detare dhe një pejsë shumë e vogël edhe përmes postës.
Sipas përllogaritjeve të kryera, vlera totale e importit të mallrave të falsifikuar shkon në 460 miliardë dolarë shkruan JavaNews. Vendin kryesor e zënë produktet e elektronikës, për më shumë se 120 miliardë dollarë, të ndjekura nga stolitë, veshje, produktet farmaceutike, këpucë, ushqime dhe lodra. Vetëm në Evropë, është llogaritur se vlera e importit të produkteve false është 85 miliard $ dhe në këtë rast, shumica për produkte elektronike.
Shumica e produkteve të falsifikuara që mbërrijnë në Evropë prodhohen në Kinë. Pas Kinës që zë vendin kryesor janë edhe disa vende të tjera si India, Tajlanda, Turqia, Malajzia, Pakistani dhe Vietnami, të cilat prodhojnë mallra në shumë fusha ehde pse në rol më të vogël se Kina. Turqia ëhstë një prodhues i rëndësishëm i mallrave të falsifikuara si produktet e lëkurës, ushqime apo mallra kozmetike që mbërrijnë në Evropë./JavaNews/a.m.
