Qeveria ka transferuar 8 mld lekë për Korporatën Energjitike Shqiptare.
Fondi do të dedikohet për sektorin e energjisë, dhe shkon njëherazi me vendimin për rritjes së çmimit të rrymës te abonentët familjarë që shpenzojnë mbi 800 KW.
Shuma është pjesë e transhit të dytë nga fondi i miratuar për këtë qëllim në buxhetin e shtetit, për Korporatën Elektroenergjetike Shqiptare.
Qëllimi i kësaj transferte në prag të dimrit është të mbulojë me likuiditet KESH-in për operacionet e tij në blerjen e energjisë në treg të huaj apo nevoja operacionale.
Kjo shumë është pjesë e buxhetit prej 28 miliardë lekë në total, 20 prej të cilave për subvencione.
