Në funksion të garantimit të ligjshmërisë dhe zbatimit të kërkesave ligjore në të gjithë zinxhirin ushqimor, Autoriteti Kombëtar i Ushqimit (AKU) po monitoron me rigorozitet cilësinë dhe efektivitetin e kontrolleve në pikat e kalimit kufitar.
AKU informon se, nisur nga bllokimi i sasisë prej 14.5 ton “Birrë Paulaner” për mungesë dokumentacioni shoqërues, si dhe pas konfirmimeve te ardhura nga prodhuesi i birrës “Paulaner” mbi autenticitetin e certifikatës së analizave, AKU kontrolloi ligjshmërinë e importimit te birrës “Paulaner” nga subjekti “Denis Shpk”, ku u konstatuan 13.600 copë kanaçe birre “Paulaner” (0.5 L) me afat përdorimi 07.2019.
Nga shqyrtimi i dokumentacionit shoqërues rezultoi se subjekti “Denis Shpk” importon produktin “Birra Paulaner” në kundërshtim me legjislacionin në fuqi, në mungesë të dokumentacionit përkatës shoqërues. Raport-Analiza që shoqëron produktin nuk përmban të dhëna identifikuese dhe individualizuese si: numër reference, numër identifikues, numër Lott-i, afati i përdorimit të produktit i pashënuar, si dhe certifikatat e origjinës dhe certifikatat e analizës të papërkthyera në gjuhën shqipe.
Për shkeljet e konstatuara, ndaj subjektit AKU vendosi gjobë me vlerën 1.2 milionë lekë 000,000 lekë, ndërsa subjektit iu ndalua tregtimi i sasisë prej 13.600 kanaçe birrë “Paulaner” (0.5 L),
Autoriteti Kombëtar i Ushqimit shprehet i vendosur për të vënë përpara përgjegjësisë çdo praktikë mashtrimi, me fokus për të garantuar zbatimin e ligjit, duke mos lejuar në asnjë rast që praktika të tilla të shkojnë në dëm të shëndetit të konsumatorëve.
/a.r
