Demonstratat, kryesisht në Stamboll dhe Ankara, nuk do të ndalen as sot. Thirrja e re e Partisë Republikane për mitingje të reja masive jashtë bashkisë sot, do të nxjerrë mijëra njerëz në rrugë.
Sipas mediave të huaja, Ekrem Imamoglu mbetet “i arrestuar” për të tretën ditë dhe autoritetet gjyqësore, duke cituar hetimet dhe volumin e provave të reja, kanë rinovuar urdhër-arrestin përkatës.
“Pulsi” në dy qendrat kryesore urbane të Turqisë do të vazhdojë të forcohet ndërsa i afrohemi të dielës, kur priten mitingjet më të mëdha në të gjithë vendin që nga viti 2013 dhe Gezi, shkruan A2 CNN.
Në bazë të aktakuzës, edhe burime nga vetë CHP-ja raportojnë se kryetari i Stambollit ka të ngjarë që të qëndrojë me njërën këmbë në burg dhe mbetet për t’u parë se në çfarë mënyre dhe sidomos në cilat momente gjyqësori do të zgjedhë ta “drejtojë” procesin deri në gjykimin e tij apo jo.
Imamoglu me siguri do të bëhet fytyra e luftës së opozitës kryesore kundër AKP-së dhe vetë Presidentit të vendit. Ai ishte tashmë i zgjedhuri si kandidat për të drejtuar Presidencën, përpara se të arrestohej.
