Një klerik nga zona e Farkës parashikon se Erion Veliaj do të jetë kryetar i Partisë Socialiste në të ardhmen. Parashikimin kurioz, Naim Leci, imam nga rrethinat e Tiranës, e ka bërë kur është thirrur në skenë që të përshëndesë takimin që po mbante Eion Veliaj. Imami foli në emër të FRD, duke u shprehur se i uronte fitore Veliajt në garën për bashkinë, por duke e shtyrë edhe më tej urimin. Ai bëri një parashikim, që tingëlloi si një lloj profecie: Erioni jo vetëm do të zgjidhet kryetar bashkie, por edhe do të bëhet kryetar i PS. Ai shtoi në fund “shenjat janë të qarta”. Zotësi për të parë të ardhmen, apo për të dëgjuar me kujdes lajmet politike?! Mbetet për t’u parë…
