E ka konsideruar monument të diktaturës bunkerin e shkatërruar sot nga protestuesit, deputeti i Partisë Demokratike, Arben Imami. Këtë deklaratë ai e dha në emisionin “Opinion” në TV Klan ku ishte i ftuar në debat përballë Zv.Kryeministrit Niko Peleshi.
“Këtë shëmti, simbol të diktaturës në mes të qytetit nuk do ta lejojmë. Iniciativa është e shoqatës së ish- te përndjekurve. Dhe u bë shumë mirë që u fshi nga qyteti, ky simbol i fundit i diktaturës”, u shpreh Imami.
Ndërkohë, Zv.Kryeministri Niko Peleshi, iu drejtua deputetit Arben Imami, se sot kanë shkatërruar një vepër arti. “Ajo është hyrja e një tuneli që kërkon t’u kujtojë brezave se si ishte ai sistem për të mos u kthyer më kurrë”, – tha Peleshi.
