Bashkësia Islame e Kosovës (BIK) mban një pjesë të madhe të përgjegjësisë në lidhje me përhapjen e ekstremizmit dhe vehabizmit në Kosovë. Zyrtarisht është konfirmuar se shtrirja e ideologjisë së re fetare në Kosovë ka nisur përmes predikimit të një numri të caktuar të imamëve.
Kështu u tha gjatë një tryeze të organizuar nga një grup imamësh të Bashkësisë Islame të Kosovës, të cilët tash vonë kanë nisur edhe një projekt për luftimin e ekstremizmit përmes publikimit të shkrimeve që promovojnë islamin tradicional. Organizatorët e tryezës ishin dy imamë, Bekim Jashari dhe Zuhdi Hajzeri, kurse panelistë të tjerë ishin kryeredaktorja e gazetës “Zëri”, Arbana Xharra, dhe profesori, Mustafa Bajrami.
