Chris Kyle ekzekutoi 255 njerëz në Irak dhe babai i tij deklaron se ndjehet babai më krenar në botë.
Kayne Kyle, babai i snajperistit amerikan Chris Kyle ka dhënë një intervistë për Fox News ku ka folur për të birin dhe punën e tij.
Megjithëse rekordi zyrtar flet për 160 të vrarë Kyle ka vrarë më shumë se aq duke u shndërruar në snajperistin më vdekjeprurës amerikan.
Chris Kyle është vrarë nga një tjetër veteran lufte në shkurt të vitit 2013 në shtetin federal të Texasit.
Nga viti 2003 deri më 2008, ai ka luftuar katër herë në Irak dhe gjatë asaj kohe ka vrarë 255 muxhahedinë me snajperin e tij.
“Numri i jetëve që djali im i ka shpëtuar është shumë më i madh se sa i atyre që ai i ka vrarë”, ka thënë për Fox News, Kayne Kyle.
Ai gjithashtu ka zbuluar se iu është kërcënuar regjisorit të filmit, Clint Eastwood dhe aktorit kryesor që e portretizon djalin e tij, Bradley Cooper nëse filmi “Snajperisti amerikan” në çfarëdo mënyre e dëmton reputacionin e Chrisit.
“Më kanë shikuar në sy dhe më kanë thënë që do e respektojnë kujtimin e djalit tim. Kjo për mua ka qenë e mjaftueshme. Zotëri Eastwood dhe zotëri Cooper janë persona të cilëve unë iu besoj. Kanë qenë të hapur dhe nuk kanë dashur të fshehin ndonjë gjë”, ka thënë 65 vjeçari, Kayne Kyle.
Kjo i është verifikuar pasi e ka parë filmin pasi “American Sniper” i ka pëlqyer shumë.
