“Zëri i popullit, zëri i Zotit. Presidenti i popullit kuq e zi ulet në gjunj vetëm para flamurit kuq e zi dhe popullit kuqezi, para popullit të shqiponjave. Këtë ta dëgjojnë mirë puçistët vendas dhe organizatat ndërkombëtare mafioze që përpiqen të shkatërrojnë sovranitetin dhe Kushtetutën”.
Kështu e nisi fjalën e tij Presidenti Ilir Meta, në fjalën e mbajtur në manifestimin e thirrur prej tij.
Ai citoi neni 2 të Kushtetutës të miratuar me referendum në vitin 1998, duke thënë se “Sovranitetit në Kushtetutës i përket vetëm popullit”.
Meta tha se i ka ftuar qytetarët jo si Ilir Meta, por si Presidenti i tyre, si i vetmi institucion demokratik që ka mbetur në këtë shtet për të dëgjuar zërin e tyre, “sepse kur institucionet bien, ngrihet populli dhe populli nuk futet në xhep si miliardat”.
“Me nisjen e pranverës kuqezi, unë si ushtar i parë i republikës dhe i gjithë populli kuqezi kundër grushtit të shtetit”, tha ai.
Meta deklaroi se e thirrri popullin sepse i shteroi të gjitha përpjekjet demokratike për të shmangur kapjen e shtetit dhe grushtin e shtetit dhe se pasuria kombëtare që iu është dhënë gjithë shqiptarëve po vidhet përditë dhe se sistemi i drejtësisë është kapur për fyti nga sekti anti-shtet.
“Jemi këtu sepse Shqipëria është ndarë në dy botë. Ne atë të popullit kuq e zi dhe në atë të grupit që përfaqëson një botë të erret, tradhtare, puçistë te oligarkëve, që si shushunja pinë çdo ditë gjakun e popullit tonë. Jemi vendi i parë në botë për kostot e autostradave për metër katrorë. Unë si president i kam rrëzuar publikisht këto dekret të arsyetuara mbi kushtetutë. Dekrete për koncesionet që kanë vetëm një qëllim, grabitjen dhe jo zhvillimin e Shqipërisë. Kërkojnë rrëmbimin e Gjykatës Kushtetuese që krimet e tyre kushtetuese të mbeten të pagjykuara dhe pandëshkuara. Jemi sot këtu sepse asnjë nga ne nuk mund t’i qëndrojë anash grushtit të shtetit”, deklaroi Meta.
/a.r
