Presidenti Ilir Meta duke shfrytëzuar festën e Krishtlindjeve ka lënë presidencën për t’u drejtuar zonave të tjera të Shqipërisë për të pushuar.
Në një postim më të fundit, Meta është ndalur në jug të Përmetit duke vizituar kishën e Leusës, ku ka ndezur dhe një qiri në këtë objekt të kultit.
“Kisha e Leusës, ndodhet në jug të Përmetit, vetëm gjysëm ore më këmbë, nga ku lugina e Vjosës duket si në pëllëmbë të dorës. E ndërtuar në shekullin XVII, me afreske dhe gdhendje unike druri të punuara mjeshtërisht, Kisha mban emrin e së Tërëshenjtës Mari dhe i kushtohet Fjetjes së saj.
Është një atraksion i jashtëzakonshëm për turistët vendas dhe të huaj, një monument i rrallë i trashëgimisë tonë kulturore, që nuk duhet lënë pa u vizituar. Sipas traditës, ndeza një qiri, për t’ju bashkuar lutjeve tuaja në këtë sezon festash për më shumë shëndet, mbarësi e gëzime në çdo familje shqiptare! Të keni bekimet e Zotit!”, shkruan Meta në rrjetet sociale.
