Në të parin reagim të ish-presidentit Meta pas së dhënës se ai, me gjasë ka qenë ish-spiun sigurimi në të ritë e rij, në kohën studentore, ai potencoi, me cekësinë dhe shpengimin që e karkterizon në deklarime publike, se ka qenë një student krejt 10-ta. Por askush s’po i konteston rezultatet si ish-student ekonomie, po i diskutohet morali i tij atë kohë. Përgatitja shkollareske jo gjithnjë shkon me moralin. Madje mund të thuhet se Shqipërisë dërrmën ia kanë bërë të shkolluarit e pamoralshëm.
Por le të ndalemi në një koment te 10-at e Metës, pasi dhe ato nevojiten për të shpjeguar deficencën më të madhe të tij si politikan: faktin se nuk ka qenë askush, apo se dhe vijon të mos jetë askush, nëse i heq të qënit politikan. Tej politikës, nuk ka asgjë te Ilir Meta. Më saktë, kulturorja, botëkuptimorja, intelektualja e të tilla nuk ekzistojnë te ai. Nuk ekziston gjithashtu dhe ekonomikja, në raport me atë që paska qenë gjithë 10-ta. Pra, si ka mundësi që të kesh qenë kaq ekselent në ekonomi dhe në 30 vjet mos i jesh ofruar publikut apo t’i jesh imponuar me qasje, narrativë e ide ekonomike? Që do të thotë, se nëse nuk e di se për çfarë ka studiuar Meta, duke e ndjekur, e ke krejt të vështirë të kuptosh se cila është një veçanti e tij jashtë apo brenda politikës, se cili është profili i tij dhe shkollaresk. Në këtë pikë ngjan me Bashën, i cili në 15 vjet karrierë nuk pati asnjë fjalëmbajtje që të shpaloste formimin e tij shkollaresk, meqë u mitizua pikërisht në këtë pikë, te një diplomim në Holandë. Po pastaj? Kjo tashmë vlen dhe për Metën: student me 10-ta. Po pastaj?
Si duhet ta kuptonte populli ose politika, ose si ta kuptojë dhe tani se ti paskërke qenë një ekselent te Ekonomiku?!
Nëse do kish qenë kështu, kur ta merrte fjalën Meta për çështje ekonomike, të tjerët duhej të heshtnin. Por ja që s’ka ndodhur kurrë në 30 vjet me më të varfërin politikan në ide, në daç ekonomike, si dhe në ligjërim, pa kurrë fraza ekonomike.
Ndaj, Meta me 10-ta, jo më kot rimon me “Meta e vërteta”, thirrje e ithtarëve të tij partiakë pas videos së famshme të të ndjerit Dritan Prifti në 2011-ën. /tesheshi.com/
po mir e ke
op