Ilir Lalëzi, që do ‘revolucionarizojë’ medien!

Nga Artur Ajazi

Përse kur thua “Lalëzi ”, mëndja të shkon tek Ilir Meta ose tek Lulzim Basha, tek Sali Berisha apo tek ndonjë tjetër oligark i asaj kohe, kur pushtetin e kishte në duart e tij 1 njeri i vetëm. Janë dy fjalë, dy emërtime, janë dy vende magjike të hapësirave tona turistike, nga ku dy konkurentët aktualë të ish- opozitarizmit, kanë rezidencat e tyre, kanë vendbazimet e familjeve të tyre, apo dhe destinacionet nga ku dëfrejnë të rinjtë dhe të rejat e forumeve të tyre.

Ditët e fundit, propaganda antiqeveritare në Shqipëri, po kryesohet, si në asnjë vend demokratik nga kryetari i shtetit. Njeriu i pasurive marramendëse, është bashkuar me egërsi të pashembullt, në “betejën” e tij ndaj qeverisë Rama, me dështakun e përhershëm të fushatave elektorale, me humbësin e përjetshëm, duke dashur të bëhen faktor dominues.

Qasje të pështira, ndaj një taktike të servirur dikur nga Doktor Berisha, por që ndryshon në kohë. Të bashkuar rreth flamurit të “opozitarizmit” zhvatësit e votave dhe pasurive të këtij vendi, rrënuesit e pasurive të shqiptarëve, shkatërruesit e sistemit të drejtësisë, ekonomisë, financave, shkaktarët e vrasjeve përmes shkeljeve ligjore, duan me çdo kusht kaos në këtë vend.

Zaptuesve të Lalëzit dhe perlave të bregdetit, u ka ardhur dita, u është hapur goja, dhe mendojnë se “erdhi koha ti biem Ramës”. I tmerruar nga dyndja e SPAK-ut edhe në “oazet” e tij të paprekshme, Ilir Meta nuk po lë ditë, pa mbledhur gazetarët, pa u dhënë atyre “leksione demokracdie”, pa i bërë thirrje shqiptarëve të “ngrihen për Ndryshimin”.

Njeriu që solli risinë më negative të drejtimit në qeverisje sa ishte kryeministër, njeriu që u divorcua pabesisht nga Partia Socialiste duke i bërë gjithçka “hasha” Fatos Nanos, dhe duke themeluar LSI me “para xhepi”, sot jep leksione si “duhet të punojë qeveria”, duke kërkuar ndryshimin . Cilin ndryshim, cilën kohë , kërkon të sjellë Ilir Meta?

Kohën e tij, kur ishte kryeministër, apo kohën e Doktorit kur ishte bashkqeverisës me PD ? Të dyja kanë damkën e zezë të korrupsionit e grabitjeve të pasurive të shqiptarëve. Kur thua “Lalëzi” mëndja të shkon tek Iliri, Doktori, Lulzimi, apo dhe tek ndonjë pronar mediash, që ata e kanë trajtuar si “vegël qorre”, e kanë shtrydhur si limoni, dhe pasi e flakën, i bëjnë avokatin.

Ajo ç’ka po bëjnë, prej nisjes së pandemisë deri sot, (apo edhe më herët) dhe që po e vazhdojnë ta bëjnë me zell të madh, duke penguar gjithçka bën qeveria dhe kryeministri Rama, ndoshta është shërbimi i fundit që pashallarët e Lalzit, po i bëjnë vehtes derisa një ditë të mbyllen në qelitë e ftohta të 313.

“Mos u dorëzoni para pushtetit dhe pronarëve” do tu kërkonte Ilir Meta gazetarëve. Sa e turpshme, sa e dhimbshme, dhe sa trishuese, tek sheh miliardierin në krye të Presidencës, të tallet dhe të luajë me ata që e “sajdisin”, me ata që e bëjnë batutën e tij “kokë të lajmit” edhe pse nuk e meriton.