Inspektoriati i Lartë i Deklarimit, Kontrollit të Pasurive dhe Konfliktit të Interesit kërkon akses në sistemin TIMS me qëllim kontrollin e gjithanshëm dhe real të gjendjes financiare të zyrtarve të lartë të vendit.
Kërkesa përfshihet në raportin e këtij institucioni për vitin 2014, i cili është depozituar në Kuvend, ndërsa ILDKPI shpreh vështirësitë në drejtim të verifikimit të udhëtimeve jashtë vendit. “Vlen të theksohet se shqetësim të vecantë ka paraqitur këtë vit marrja e të dhenave të përftuara nga sistemi TIMS (hyrje daljeve nga dhe në vend të zyrtarëve ) duke vështirësuar ndjeshëm procesin e një kontrolli të gjithanshëm dhe real të gjendjes financiare jetesore të zyrtarëve funksionar shtetërorë .
Për këtë arsye dhënia e aksesit të drejpërdrejtë dhe të plotë ndaj të gjitha burimeve publike të të dhënave publike ose private që janë në disponim, në institucione publike dhe private sikurse parashikohet në rekomandimin e Rezolutës së Kuvendit të Republikës së Shqipërisë , do të ishte një ndihmesë e madhe për Inspektoriatin në përmbushje të misionit të tij megjithatë aksesi i drejtperdrejtë në bazat e të dhënave të disa institucioneve nuk është mundësuar ende“, vlerësohet në dokumentin e depozituar .
Përsa i takon bashkëpunimit ndërinstitucional, ILDKPKI thekson se marveshja e bashkëpunimit mes këtij institucioni dhe Këshillin e Lartë të Drejtësisë nuk është finalizuar ende duke mos u nënshkruar për shkak të mos funksionimit korrekt të KLDsë
