Kreu i Inspektoriatit të Lartë të Deklarimit dhe Kontrollit të Pasurive Shkëlqim Ganaj është i pranishë sot në Komisionin e Ligjeve ku do të prezantojë raportin e punës së institucionit që ai drejton.
Vëmendja ndaj këtij raporti është e madhe në një kohë kur ILDKP-ja është vënë në qendër të vëmendjes për shkak të disa padive të njëpasnjëshme penale ndaj disa ish-ministrave të djathtë.
“Janë në proces e sipër edhe disa verifikime të tjera që kanë të bëjnë me disa dosje vërtet të ndjeshme”, thotë pak minuta para mbledhjes Shkëlqim Ganaj. Ai nënvizon se nuk është i interesuar për përkatësinë politike të personave nën hetim, por premton se ata janë emra mjaft të njohur për publikun.
Me të gjitha gjasat, mbledhja e komisionit e cila do të zhvillohet në një pjesë të sj edhe pa praninë e medias pritet të jetë mjaft e nxehtë. Për momentin, deri në orën 10.40, deputetët e shumicës janë duke pritur kolegët e tyre të opozitës, nga të cilët janë vetëm republikanët dhe deputeti i PDIU-së.
Redaksia Online
(Javanews.al)
