11 ankesa të tilla si kjo e bërë në emisionin “Stop” 1 vit më parë, për zvarritje të zbardhjes së vendimeve, mospërmbushje të detyrës dhe shkelje të afateve procedurale civile e penale, e nxitën Inspektoratin e Lartë të Drejtësisë të nisë hetimin disiplinor për gjyqtaren e Shkodrës, Arta Llazari.
Në një njoftim për mediat, ky institucion thotë se gjatë hetimit janë gjetur edhe fakte të tjera se magjistratja duke tejkaluar afatet tej çdo logjike, e në mënyrë të vazhdueshme i ka çuar çështjet thuajse me mungesën e drejtësisë.
“Veprimet e magjistrates janë kryer të paktën me pakujdesi në formë neglizhencës, e përsëritur dhe e vazhdueshme, e në disa raste kanë shkaktuar dëm në procedurat hetimore”.
