Ditët e fundit PBDNJ zyrtarisht ka dalë nga koalicioni qeveritar dhe ka nisur negociatat për t’u bërë pjesë e aleancës opozitare të udhëhequr nga Partia Demokratike.
Kreu i PDIU-së Shpëtim Idrizi deklaroi në studion e “News 24” në emisionin “Kjo Javë” se në fakt PDIU ka qenë në opozitë, por tashmë po bashkohet me frontin zyrtar opozitar.
Ajo që është përfolur këto ditë është bashkëjetesa në një koalicion me PBDNJ-në, partinë e minoritetit grek e drejtuar nga Vangjel Dule. Kujtojmë se ai u largua nga koalicioni me Ramën sapo u bë pjesë e mazhorancës partia e çamëve.
Por, Shpëtim Idrizi duket se për PDIU nuk është problem qenia në koalicion e partisë së minoritetit, madje tha se as për ata nuk duhet të jetë problem afrimi i çamëve.
“Në asnjë rast nuk kam kondicionuar interesa personale, ju e dini që ne shkonim ata kanë ikur. Ne nuk kemi asnjë problem me kauzat e partisë së Dules, bëhet fjalë për të drejtat e njeriut. Nëse ne kemi qenë dhe do jemi shumë të fuqishëm përballë Greqisë, ne e kemi problemin me Greqinë që duhet t’i hapi rrugën zgjidhje çështjes çame. Nuk e di çfarë pune ka Dule kur ne merremi me Greqinë. Unë i them zotit Dule, mos u merakos se interesat e Greqisë i mbron shumë mirë kryeministri Rama. Sa i takon marrëdhënieve me minoritetin, s’kemi pasur asnjëherë asgjë. Kemi bashkinë e Konispolit ku bashkëjetojnë çamët dhe minoritarët”, deklaroi Dule./a.m.
